CEBU, Philippines — Andam na ang tanan alang sa 3rd Councilor Rey Gealon Open Scrabble Tournament nga gikatakda karong Nobiembre 18-19 didto sa Robinsons Galleria Cebu.
Ang duha ka adlaw nga torneyo nga gipasiugdahan sa Unified Scrabble Association of the Philippines (USAPI) ug Cebu Scrabble Association (CSA) inabagan sa Talisay Masonic Lodge 422 naglangkob og upat ka mga kategoriya.
Kini mao ang professionals, college/no-prof, high school, ug elementary.
Ang makampiyon sa pro division mobulsa og P10,000, samtang ang mopahiluna sa ikaduha ngadto sa ikaunom nga dapit makadawat og P7,000, P5,000, P3,000, P2,000, ug P1,000.
Ang top 6 sa college/non-prof ug high school mokubra og P6,000, P4,500, P3,000, P2,000, P1,500, ug P1,000, samtang ang top 6 sa elementary moangkon og P4,500, P3,500, P3,000, P2,000, P1,500, ug P1,000.
Aron maka-apil, dunay rehistrasyon nga P250 alang sa elementary, P300 sa high school, P350 sa college/NP, ug P800 sa pro players.
Ang mga organizers modawat og on-site registration sa dili pa magsugod ang kompetisyon sa alas-10 sa buntag unya sa Nobiembre 18.