Siomai Festival Fun Run ipahigayun na og balik

CEBU, Philippines — Mahibalik na ang tinuig nga Siomai Festival Fun Run human sa dul-an tulo ka tuig nga wala makapahigayon niini tungod sa pandemya.

Sa press conference kagahapon sa buntag , ang mga organizers miingon nga ang fun run buhaton karong umaabot nga Septiyembre 17, 2023 ug anha kini manukad sa Barangay Tisa sa Dakbayan sa Sugbu.

Gibahin-bahin ang mga buot moapil sa kompetisyon: ang 9-kilometer Elite/Pro Division nga adunay registration na P500; 6-kilometer Executive Division nga adunay registration fee nga P400 ug ang para sa mga gusto lang mosuway og salmot og fun run nga 3-kilometer Fun Runners Division na adunay registration fee nga P300 .

Dili lang mga bata-bata  ang pwedeng moapil, dunay ikaupat nga dibisyon nga giandam para sa mga Senior Citizens, kini ang 3-kilometer Senior Citizens Division nga aduna sab registration fee nga P300.

 Giawhag ang sa Barangay Tisa ug mga silingang barangay sa pag-apil sa maong kalihukan.

 Mao kini ang ika-napulo nga higayun nga buhaton ang maong kalihukan ug labing una gikan sa pandemiya.

Magsugod ang registration karung Hulyo 1, 2023 ug mahuman tungang gabii sa Septiyembre 1, 2023 diha sa Tisa Barangay Hall.—Jake Justine E. Rago, CNU Intern (BANAT NEWS)