Keifer Ravena giwani ang manghud nga si Thirdy: Misidlak sa iyang Japan B. League debut uban sa Lakestars
CEBU, Philippines — Mihimo gilayon og impresyon ang Pinoy’ng pro basketball player na si Keifer Ravena sa iyang debut sa Japan B. League.
Gawas niini, iya sab nga giwani ang manghud niyang si Thirdy. Si Kiefer mitali og 11 puntos, walo ka assists, tulo ka rebounds ug tulo ka steals alang sa Shiga Lakestars, nga madasigon nga mibangon human malubong og 22 puntos dayon na ngadto sa pagpatikalbong ni Thirday ug ang San-En Phoenix, 93-83, didto sa Ukaru-chan Arena niadtong Sabado.
Nalubong na unta ang Lakestars apan milusad kini og nagkayong 19-0 rally pagsugod sa katapusang kuwarter nga maoy nahimo nilang taytayan ngadto sa kalamposan. Milanat pa og otso minutos usa nakapuntos og balik ang San-En.
Niadtong tungora, kontrolado na sa Lakestars ang duwa uban ang 87-78 nga labaw sa pinal nga tres minutos sa aksiyon.
Sa kinatibuk-an, gikuso-kuso sa Lakestars ang San-En sa katapusang kuwarter, 30-9. Si Thirdy dunay 11 puntos uban ang unom ka rebounds ug duha ka steals alang sa San-En apan nahoyhoy ang abaga gumikan kay gipakgang sa maguwang niya.
- Latest
