Irving wala moduwa tungod sa personal nga rason
CEBU, Philippines — Ang point guard sa Brooklyn Nets nga si Kyrie Irving wala moduwa batok sa bisitang Philadelphia 76ers kagahapon tungod sa personal nga mga rason.
Sa wala pa ang duwa, si coach Steve Nash miingon nga sayod na siyang daan nga dili moduwa si Irving.
"I sent him a message in the last half-hour and haven't heard back yet," matud pa ni Nash. "But obviously thinking about him and hope that all is well. It's a private matter."
Wala sab makaduwa si Kevin Durant batok sa 76ers kay gikuwarantin human ma-exposed ngadto sa tawo nga nagpositibo sa Covid-19.
Sumala pa ni Nash, nga kon magpadayong magnegatibo si Durant, iyang kining paduwaon batok sa Oklahoma City Thunder unya sa Lunes.
Wala sab moduwa uban sa Nets ang ilang guwardiya nga si Tyler Johnson, kinsa gibutang sa NBA's health and safety protocols. Matud pa ni Nash nga si Johnson wala magpositibo sa coronavirus, apan wala moduwa kay ipaubos pa sa contact tracing.
Si foward Nic Claxton (knee tendinopathy), guard Spencer Dinwiddie (partially torn right ACL) ug forward Reggie Perry (left groin soreness) wala sab sa Brooklyn.
- Latest
