Pagbayaw ni Kobe sa hall of fame giuswag
CEBU, Philippines — Gisibog sunod tuig ang pagbayaw ni anhing Kobe Bryant sa Hall of Fame gumikan COVID-19 pandemic.
Ang pangan ni Bryant gikatakda untang itatak sa Naismith Basketball Hall of Fame nga tua magbasi sa Massachusetts karong Agosto 29.
Kauban ni Bryant nga pasidunggan sila si NBA stars Tim Duncan, Kevin Garnett ug lain pang unom, apan unya pa kini sa unang kuwarter sa 2021 mahitabo tungod ning nagpadayong pandemya.
"We're definitely canceling," matud pa sa tigpamaba sa Hall of Fame nga si Jerry Colangelo. "It's going to have to be the first quarter of next year."
Sa edad nga 41-anyos, si Bryant namatay niadtong Enero 26 sa helicopter crash didto sa California nga mikutlo og laing walo pa ka mga tawo, apil na ang 13-anyos niyang anak nga si Gianna.
Si Bryant nahimong sakop sa All-Star sud sa 18 ka higayon, milangkat og lima ka kampiyonato ug katulo na-Finals MVP sa mabulukon niyang duha ka dekada nga karera uban sa Los Angeles Lakers.
- Latest
