Pacquiao-Marquez III
CEBU, Philippines — Ang resulta sa ikatulong away tali nilang Pinoy ring star Manny Pacquiao ug sa Mehikano niining karibal nga si Juan Manuel 'Dinamita' Marquez sa usa sa labing gidebatihan nga desisyon sa kasaysayan sa boksing.
Sa bugtong duwa sa upat nila ka sangka diin ang mga fans wala makakita og knockdown, si Pacquiao midaog pinaagi sa majority decision aron pagpabiling WBO welterweight champion niadtong Nobiyembre 12, 2011 didto sa MGM Grand sa Las Vegas.
Daw sa kontrolado ni Marquez ang unang tunga sa 12 ka hugna nga bugno, apan mibawos si Pacquiao pinaagi sa pag-angkon og upat sa katapusang nga lima ka hugna.
Basi sa estatiska sa CompuBox, si Pacquiao maoy nakalandig og mas daghang kumo, 176-138, apan si Marquez maoy mas hait og tinirahan sa iyang mga suntok, (32%-30%).
Sa kinauwahian, ang mga judges mipadaog ni Pacquiao.
Tabla man tuod ang iskor ni Robert Hoyle, 114-114, apan si Glenn Trowbridge mitali og 116-112 ug Dave Moretti mihatag og 115-113 alang sa Pinoy hinungdan sa majority decision.
Ang ESPN, inabagan sa Top Rank, mopasalida sa Pacquiao-Marquez III karong adlawa uban ang lain pang upat ka mga away kansang desisyon kontrobersiyal kaayo.
Kini naglangkob sa Oscar De La Hoya vs. Félix Trinidad; Oscar De La Hoya vs Shane Mosley II; Marvin Hagler vs Sugar Ray Leonard ug Floyd Mayweather Jr. vs José Luis Castillo.