Cariaso mohatag P100,000 nga hinabang

CEBU, Philippines — Gipahibalo kagahapon ni  Alaska Aces head coach Jeff Cariaso nga modonar siya og P100,000 hinabang pinansiyal alang niadtong mga trabahante sa PBA nga apektado sa pagka-suspenso sa kasamtangan niining season.

Matud pa ni Cariaso nga iya kining gituyo aron matabangan kadtong grabe kaayong naapektohan sa temporaryong pagkasira sa liga gumikan sa COVID-19 pandemic.

Giklaro ni Cariaso nga dunay mga trabahante nga walay binulan nga suweldo sama sa statisticians, table officials, gate keepers ug entertainment personnel ug angayan lamang sila nga agakon ning kritikal nga sitwasyon.

"To coincide with the PBA’s initiative to support those people who are not regular employees, I am making a pledge to donate 100K ( Alaska 50K, REB 25K, Me 25K) to our hard working PBA game day personnel who are severely affected by the cancellation/ delay

of our season," suwat pa ni Cariaso sa iyang Twitter. "These individuals are the hard working people behind the scenes that allow players and teams to showcase what we do best."

"They complete the platform and pave the way each and every play date. My goal is to make up for at least 2 months worth of wages for those individuals relying heavily on the games," dugang pa niya.

Giawhag ni Cariaso ang tanan nga motabang sa iyang kawsa nga alang sa kaayohan niadtong mga nanginahanglan.