Pinoy boxers andam sa dakong away sa SEAG
CEBU, Philippines — Nangandam og maayo ang Philippine boxing team alang sa nagsingabot nga Southeast Asian Games nga buksan karong Nobiyembre 30 didto sa Philippine Arena.
Si Association of Boxing Alliances in the Philippines (ABAP) secretary-general Ed Picson miingon nga kondisyon na ang mga pambatong boksidor sa nasud, apan dili niya ilimod nga dili sayon ang giatubang sa iyang mga batos.
Si Picson miingon nga dili lang ang Thailand ang gitan-aw nila nga babag sa ilang damgo nga modominar sa boksing tungod kay nagkalig-on sab ang ubang mga koponan sama sa Singapore ug Malaysia.
"It's going to be tough. It's no longer just Thailand that will come up with a good fight. We have information that other countries are also coming in strong as they are now using foreign exposure and coaches while upgrading their technology to boost their chances," matud pa ni Picson sa ABS-CBN Sports.
Ang Pinoy boxers gusto mamawi human igo lang sila nakakuha og duha ka gold medals gikan nila ni Eumir Marcial ug John Marvin niadtong 2017 SEA Games sa Malaysia.
Ning higayona, lig-on nga Phl team ang mobida sa pagpangulo nila ni Marcia ug Marvin. Anaa sab sila si Carlo Paalam, Rogen Ladon, Charly Suarez, James Palicte, Marjon Piañar ug world champion Nesthy Petecio.
- Latest
