CEBU, Philippines – Dili una paduwaon sa Los Angeles Clippers ang ilang superstar nga si Kawhi Leonard sa ilang sangka batok sa Milwaukee Bucks karong adlawa didto sa Staples Center sa Los Angeles, California.
Ang coaching staff sa Clippers miklaro nga walay seryosong injury si Leonard, apan gusto lang nila nga makapahuway kini tungod sa taas nga playing time nga ilang gihatag sa mga miaging duwa.
Si Leonard nakita nga mipas-an sa Clippers sa ilang mga duwa diin mi-average kini og 29.3 points, 7.3 rebounds ug 5.7 assists.
Ang Clippers nahimutang sa ikalimang dapit sa standing sa ilang 5-2 win-loss record.
Daghan unta ang nag-atang sa duwa sa Clippers ug Bucks tungod kay makabangga ni Leonard ang reigning MVP sa Bucks nga si Giannis Antetokounmpo.
Si Antetokoumpo naglungot-lungot ni Leonard tungod kay mao kini ang mitagak kanila atol sa miaging Eastern Conference finals dihang miduwa pa kini sa Toronto Raptors.