CEBU, Philippines — Madugangan og kusog ang Los Angeles Lakers unya sa playoffs kay posibleng makarekober na sa iyang ACL injury ang All-Star bigman nga si DeMarcus Cousins.
Si Cousins wala kaduwa sa Lakers sukad pagsugod sa 2019-2020 NBA season kay nakaangkon kini og knee injury atol sa team practice.
Si coach Frank Vogel miingon nga padayon ang rehabilitasyon sa tuhod ni Cousins ug mipakita og nindot nga senyales nga paspas iyang rekoberi. "We've not closed the door on a possible return this season," matud pa ni Vogel sa ESPN5.
Si Cousins nga mipirma og usa ka tuig nga kontrata nga nagbalor og $3.5 million, nag-average og 21.2 points ug 10.9 rebounds sa iyang karera. Nahimo siyang four-time All-Star.