Hinaut di seryoso injury ni Travis

CEBU, Philippines — Nanghinaut ang tibuok kampo sa Magnolia Hotshots nga dili seryoso ang resulta sa MRI sa tiil sa import nilang si Romeo Travis.

Si Travis gigawas gamit ang wheelchair atol sa ilang 89-90 nga kapildihan batok sa  sa San Miguel Beermen niadtong Biyernes.

Wala siya katiwas og duwa dihang nagrabihan iyang walang tiil human magbangga sila si Beermen guard Chris Ross atol sa usa ka play. Naliso ni Travis iyang tiil dihang mitugpa siya human sa panagbangga. Gawas nga usa siya sa mga veteran import sa PBA, si Travis mao usab ang gilauman  sa Hotshots aron makuha ang back-to-back title sa Governors' Cup. Si Travis nailhan nga high school teammate ug suod nga higala ni NBA superstar LeBron James.

Si Hotshots coach Chito Victolero mitug-an nga wala pa sila'y import nga ihulip ni Travis kon ugaling dili pa kini kabalik og duwa.