CEBU, Philippines – Andam si Tab Baldwin nga mobalik isip head coach sa Gilas Pilipinas, apan iyang giklaro nga dili ang pag-ilis og coach ang solusyon sa problema sa maong team.
Ang Gilas wala makadaog bisan usa lang sa lima ka duwa sa FIBA World Cup didto sa China.
Tulo niini sa group stage batok sa Italy, Serbia ug Angola, samtang ang duha batok sa Spain ug Iran sa classification stage.
Ang Gilas mitapos sa nangiwit sa World Cup nga gisalmotan sa 32 ka mga nasud.
Usa si Baldwin sa posibleng mohulip ni coach Yeng Guiao usa sa mga pangan nga milutaw nga posibleng muhulip ni coach Yeng Guiao, kinsa naputos sa mga pagsaway.
"The coach can't solve the problem, changing the players can't solve problems, or just developing a program and not looking at anything else can't solve the problem," matud pa ni Baldwin sa Spin.ph.
Mitug-an si Baldwin nga adunay sayop sa pamaagi sa training sa Gilas basi usab sa taas niyang kasinatian isip coach kaniadto sa Malaysia, New Zealand, Lebanon, Jordan ug Gilas niadtong tuig 2015.
Ubos sa giya ni Baldwin, ang Gilas misakmit sa silver medal sa 2015 FIBA Asia Championship sa wala pa hulipi ni coach Chot Reyes.
"I'm prepared, and SBP chairman emeritus Manny V. Pangilinan knows this, to put my shoulder to the mill and do whatever I can to help," matud pa niya.
Dugang pa ni Baldwin, nga kon siya ang mahimong coach sa Gilas, gusto siya og dakong kausaban sa koponan ug suporta ilabi na sa PBA.