CEBU, Philippines – Gisaway og maayo sa tibuok liga ug sa mga PBA fans si San Miguel Beermen forward Arwind Santos human sa iyang pagbugal-bugal ni TNT KaTropa import Terrence Jones Jr. atol sa Game-5 sa ilang best-of-seven finals series didto sa Smart Araneta Coliseum.
Si Santos nakit-an nga misinyas og 'unggoy' ngadto ni Jones nga iyang paagi aron palaguton ang import. Dugay na nga gidili sa tanang sporting discipline ang maong pagbugal-bugal ilabi na ngadto sa mga Africa-American player.
Mismo ang mga fans fans sa San Miguel wala kauyon sa gibuhat sa 6-foot-7 forward. Si Santos dali hinuong mihatag sa iyang habig ug hugtanon siyang mibalibad nga mangayo og pasaylo
"Ang basketball mind games. Malay mo makita niya, mapikon siya doon. Pabor sa amin. Mabuti na-warningan naman kami. Nakakaintindi naman kami. Hindi na namin uulitin," matud pa ni Santos human sa Game-5 niadtong Miyerkules. "Magso-sorry ako? Hindi, kasi depende 'yun sa kanya. Kung mapipikon siya, totoong monkey siya. Kung hindi ka mapipikon, hindi ka monkey.
Si Jones miangkon nga nasakitan siya sa gibuhat ni Santos tungod kay wala siya magdahum nga mabuhat kini sa sama kaniya nga usa ka veteran player.
"This cannot be ignored. I came to the PBA to play and share my talent-in a country where I have tremendous respect for its culture and its people", matud pa ni Jones.
Si PBA Commissioner Willie Marcial misagpa ni Santos og P200 mil nga multa ug ipaubos sab sa racial discrimination seminar.