CEBU, Philippines — Tutokan ni Hall-of-Famer trainer Freddie Roach ang unang round sa sangka sa iyang batos nga si Manny Pacquiao batok ni Keith Thurman karon didto sa MGM Arena sa Las Vegas.
Si Roach miingon nga krusyal ang mahitabo sa first round tungod kay makita dinhi kon kinsa ang modiktar sa dagan sa tibuok away ug kon kinsa sa duha ang unang makapakita og kusog.
Gusto ni Roach nga agresibo dayon si Pacquiao sa pagbagting sa gamay'ng kampanilya sa first round ug hadlaon nila si Thurman sa kusog ug kapaspas sa Pinoy ring icon.
Bisan pabor sa gitas-on ug gidak-on si Thurman, wa'y duda si Roach nga mopasulabi ang kusog sa 40-anyos nga si Pacquiao ug mapugos si Thurman sa pag-atras sa pisi diin adto na dabodabohan og kumo ang undefeated boxer.