CEBU, Philippines — Mipasidaan si Top Rank Inc. CEO Bob Arum ngadto ni Manny Pacquiao nga magbinantayon sa umaabot niyang sangka batok ni undefeated Keith Thurman sa Hulyo 20 didto sa MGM Arena sa Las Vegas.
Miingon si Arum nga dili niya mapugngan nga mobati og kabalaka alang ni Pacquiao tungod kay nakita niya nga usa ka delikadong kontra si Thurman. Si Arum kanhi promoter ni Pacquiao.
Gawas nga mas bata si Thurman og 10 ka tuig itandi sa 40-anyos nga si Pacquiao, si Arum saksi sa kusog sa Briton boxer ug nabalaka siya nga posibleng magrabehan si Pacquiao sa maong sangka.
Gihimong basihan ni Arum ang nahitabo ni kanhi boxing champion Zab Judah nga na-comatose sa miaging semana human kini mipugos og sangka sa edad nga 41-anyos.
Si Judah gikataho nga adunay 'brain damage' ug midugo ang utok niini human ma- TKO sa mas bata nga si Cletun Seldin.
Misalig hinuon si Arum sa kapaspas ug kusog ni Pacquiao, apan kinahanglan mag-amping kini.