1,000 Pinoy athletes sa SEAG
CEBU, Philippines – Si Philippine Olympic Committee (POC) chairman ug 2019 SEA Games sports committee head Abraham Tolentino miingon nga moabot sa 1,000 ka Pinoy athletes ang moduwa sa nasud nga Pilipinhon sa 2019 Southeast Asian Games sa Nobiyembre nga anhi ipahigayon sa Pilipinas.
Nagkanayon si Tolentino nga timaan kini nga seryoso ang nasud sa ilang kampanya nga mosulod sa top three sa overall standing sa 11 ka mga koponan gikan sa Southeast Asian region.
Sa katapusang hosting sa nasud niadtong 2005, miabot sa 900 ka mga atleta sa 40 ka sporting discipline ang mirepresentar sa nasud diin ang Pilipinas maoy overall champion pinaagi sa paghakot og 113 gold, 84 silver ug 94 bronze medals.
Sa miaging 2017 SEA Games didto sa Malaysia, ang Pilipinas igo lang mipadala og 497 ka mga atleta hinungdan nga mipuwesto sa ikaunom nga dapit sa ilang 24-33-64 gold-silver-bronze medal tally.
- Latest
