CEBU, Philippines – Giklaro sa coaching staff sa Gilas Pilipinas nga dili pa makaduwa ang Cebuano point guard ug kanhi Rookie of the Year nga si RR Pogoy batok Qatar sa final leg sa FIBA World Cup qualifiers sa Pebrero 21 didto sa Doha, Qatar.
Gumikan kay aduna pa kini nahibiling usa ka duwa nga suspensiyon gikan sa five-game ban nga gipahamtang kaniya sa FIBA tungod sa kalambigitan niya sa karambola atol sa duwa sa Gilas batok sa Australia niadtong Hulyo sa miaging tuig didto sa Philippine Arena.
Ang 6-foot-1 nga si Pogoy makaduwa na hinuon batok sa Kazakhstan karong Pebrero 24.
Moduwa batok sa Qatar mao sila si Jayson Castro, Mark Barroca, Scottie Thompson, Marcio Lassiter, Gabe Norwood, Troy Rosario, Japeth Aguilar, Poy Erram, JuneMar Fajardo, Raymond Almazan ug naturalized center Andray Blatche.
Ang Gilas molarga paingon sa Qatar karong Pebrero 16.