CEBU, Philippines – Plano ni Pinoy boxing veteran Jayson Canoy nga mohimo og 'upset' nga kadaogan batok ni kanhi world champion Luis Nery sa sangka ugma didto sa Tijuana, Mexico.
Ang Omega Boxing Gym fighter mag-atubang og lisud nga hagit batok sa knockout artist nga si Nery, apan salig siya sa iyang kaugalingon nga mopakurat sa tibuok kalibotan sa boksing karong Domingo.
Si Canoy (27-8, 19KOs), mosuway pagsakmit sa bakanteng WBC silver bantamweight title batok ni Nery (26-0, 20KOs).
Si Nery wala pa'y pilde, apan nahanaw kaniya iyang WBC bantamweight title niadtong miaging tuig kay pakyas siya pagkuha og timbang didto sa Japan.
Sa iyang bahin, si Canoy laraw nga makabawi human mapilde ngadto ni Teiru Kinoshita sa ilang WBO AsPac title fight didto sa Japan.