L.A. Lakers ni Lebron James pilde sa nba pre-season game
CEBU, Philippines – Wala pa gihapon makatilaw og daog ang bag-ong team ni LeBron James nga Los Angeles Lakers dihang gipahamtangan na sab sila og laing kapildihan batok sa Denver Nuggets, 111-113 sa pre-season game kagahapon didto sa Staples Center sa Los Angeles, California.
Si James nga gilimitahan og 15 minutos nga playing time ni coach Luke Walton nakahimo og 13 puntos, samtang si JaVale McGee ug Josh Hart nagkumboya'g 29 puntos alang sa Lakers.
Labaw og singko puntos ang Lakers sa pagsud sa fourth quarter, apan wala sila kapakgang sa rally sa Nuggets nga mipahimulos og maayo sa paglingkod ni James.
Didto sa TD Garden sa Boston, ang bisitang Cleveland Cavaliers sa pagpangulo ni Kevin Love mipilde sab sa Celtics, 102-95.
Si Love, ang bag-ong star player sa Cavs puli ni James miiskor og 17 puntos, samtang ang Fil-American nga si Jordan Clarkson mitampo og 12 puntos.
- Latest
