CEBU, Philippines — Gipasaligan ni LeBron James ang coach sa Los Angeles Lakers nga si Luke Walton nga dad-on niya ang koponan ngadto sa kalampusan atol sa labing una nilang panag-estorya.
Ang 38-anyos nga si Walton nagkanayon nga nindot ang dagan sa ilang tigum ni James diin ang three-time champion mipasalig nga mamingwit na og mga daog ang Lakers sa sunod season.
"He's about the team. He's about doing things the right way, and he's about winning," matud pa ni Walton sa ESPN. "I can work with those qualities."
Si James nga mipirma og upat ka tuig nga kontrata sa Lakers nga nagkantidad og $154 million, mi-average og 27.5 points, 9.1 assists ug 8.6 rebounds sa miaging season uban sa Cavs.