CEBU, Philippines - Pormal na nga sugdan ang J&J Surplus Ballclub Season 11 basketball tournament karong gabii didto sa GT Academy gym sa Tayud, Lilo-an.
Katorse ka teams nga gibahin sa duha ka brackets ang magtigi karon nga season nga pangulohan sa defending champion E-F Surplus ubos sa pagtimon ni playing team owner Fury Trazona.
Lain pang team ubos sa bracket A mao ang Union Galvasteel ni Arnold Labustro, D’ Jammerz ni Albert Icot, Team Bang, RG Store, Pilapilan ni Kingsly ug Vis Motor ni Minick.
Sa bracket B mao ang J-J Surplus ni ballclub president Henry Agbon, Nichols Farm, Victorious Eagle ni Danrex Bayonla, Veneranda Subdivision ni Jojo Satuita, Villa Reyna Subdivision ni Joel Camillo, Domz Auto Supply ni Domz Mercader ug team Icot.
Sugdan dayon sa E-F Surplus ang title defending dihang ilang banggaon ang Team Bang sa pasiunang duwa sa alas 7 sa gabii, sundan sa duwa tali sa J-J Surplus ug Veneranda Subd. sa alas 8 sa gabii, dayon ang Domz Auto Supply batok Nichols Farm sa alas 9.