CEBU, Philippines – Modagan na sab ang Cebuana long-distance running star nga si Mary Joy Tabal sa Standard Chartered Hong Kong Marathon karong adlawa.
Human siya nahimong second placer sa women’s 21K sa miaging tuig, si Tabal mobalik sa Hong Kong alang sa mas dakung misyon.
Tuyo ni Tabal mao ang pagbuak sa 21K Philippine record ni Mercedita Manipol nga usa ka oras, 18 minutos ug 45 segundos.
Ang personal best ni Tabal sa 21K anaa sa 1:19:32 nga iyang nahimo niadtong miaging tuig atol sa Great Eastern Women’s run didto sa Singapore.
Si Tabal, kinsa wala midagan sa 2016 Cebu Marathon mosalmot sa Hong Kong marathon agi’g pagpangandam sa Boston Marathon diin siya mamasin nga makakuha og qualifying time aron maapil sa 2016 Rio Olympics. (BANAT NEWS)