CEBU, Philippines – Ang 2nd Cebu City Triathlon gikatakda nga banatan karong Enero 24 diha sa Cebu City Sports Center.
Ang maong sprint distance race nga gi-organisa sa Cornerstoner Group naglangkob og 750-meter swim sa CCSC pool, 20-kilometer bike ug 5K run.
Mga kategoriya nga kumbatihan mao ang men ug women's elite, 15-19, 20-24, 25-29, 30-34, 35-39, 40-44, 45-49 ug 50-above.
Sa naandan, duna gihapoy relay event.
Sa kadtong wala pa makaparehistro, mahimo nilang idownload ang entry form nga gipatik sa FB page sa maong event ug i-submit kini uban ang bayad sa Bricks Multisport sa Cebu IT Park, Drawingboard Inc. duol sa Redemptorist Church, Autofocus sa Banawa o dili ba mismo didto sa CCSC.
Kadtong nag-edad og 15 hangtod sa 17-anyos, kinahanglan silang mo-submit og entry forms nga adunay pagtugot gikan sa ilang mga ginikanan. (BANAT NEWS)