CEBU, Philippines – Milampos ang GlobalPort Batang Pier sa pagsakmit sa labing una nilang semifinals berth human sila makaipsot sa Barangay Ginebra San Miguel, 84-83, sa overtime kagabii sa PBA Philippine Cup didto sa MOA Arena.
Ang backcourt tandem nila ni Stanley Pringle ug Terrence Romeo subling mibida alang sa GlobalPort human sila mirehistro og 25 ug 23 puntos matag usa.
Naglabaw og dos puntos ang Ginebra 74-72 sa katapusang 11 segundos, apan natabla kini ni Billy Mamaril nga mihatud sa GlobalPort ngadto sa overtime.
Pag-abot sa overtime, subling mipaarak og puntos si Pringle nga maoy mihatag sa bintaha sa GlobalPort.
Misangpot hinuon sa usa ka kontrobersiyal nga katapusan ang duwa dihang miangal ang Ginebra nga nakahimo og eight second violation ang GlobalPort sa wala pa mitingog ang katapusang buzzer. (BANAT NEWS)