CEBU, Philippines – Pulos maneguro ang San Miguel Beermen ug NLEX Road Warriors nga modaog batok sa usa’g-usa aron makuha ang mahinungdanong daog sa PBA Philippine Cup karong gabii didto sa Cuneta Astrodome.
Ang Beermen ug Road Warriors magsangka sa alas-7 sa gabii human sa lahugay tali sa Meralco Bolts ug GlobalPort Batang Pier sa alas-4:15 sa hapon.
Dakung tabang sa duha ka koponan ang pagdaog karon tungod kay ang San Miguel tinguha nga mokandado sa ilang luna sa semifinals, samtang ang NLEX gusto nga makuha ang twice-to-beat advantage sa quarterfinals.
Ang defending champion nga Beermen nagtabla sa unang dapit uban sa Alaska Aces sa ilang 7-1 win-loss records, apan kun modaog, makuha nila ang solong liderato ug ang automatic semis berth.
Ang NLEX nga adunay 4-4 nga baraha, gusto usab nga mokatkat pa sa standing aron dili sila maglisud sa quarterfinals.
Atngan ang panagbangga sa duha ka premyadong sentro sa liga nga sila si reigning MVP JuneMar Fajardo ug veteran center Asi Taulava.(BANAT NEWS)