Lapu-Lapu City mopadala'g atleta sa PNG

CEBU, Philippines – Ang dakbayan sa Lapu-Lapu mopadala og mga atleta nga mokumbati sa Philippine National Games (PNG)-Visayas leg didto sa probinsiya sa  Antique sunod semana.

Matud pa ni Engr. Norvin Imbong, head sa Lapu-Lapu City Sports Commission nga ang maong torneyo usa ka pagsukod ubos sa sports program sa dakbayan diin gideklarar ang Hoopsdome isip sports center ug training room sa mga atleta niini.

Ang siyudad  mopadala og 43 ka atleta uban sa  mga coach sa chess, taekwondo, arnis, gymanastics ug athletics.

Ang delegasyon adunay unom ka players sa chess, 11 sa taekwondo, ang arnis ug gymnasts adunay tag-10 ka entrante, samtang lima sa athletics.

Dugang pa ni Imbong nga ang siyudad ubos sa liderato ni Mayor Paz Radaza mihatag og P500,000 alang sa delegasyon. Mibubo sab og suporta ang Department of Education alang sa mga atleta. (BANAT NEWS)