CEBU, Philippines – Ang Sugbuanong hotshot nga si Dondon Hontiveros mopasiugda og laing Cebu leg sa Alaska Basketball Power Camp 2015 karong Sabado diha sa Don Bosco Technology Center gym sa Barangay Punta Princesa, dakbayan sa Sugbo.
Gawas nga ipaambit ang hustong pamaagi ug mga teknik sa pagduwa og basketbol, si Hontiveros ug ang iyang mga coaches motudlo usab sa mga batan-on nga mangambisyon nga mamahimong basketbolista kun unsaon nga makampiyon sud ug gawas sa korte.
Bukas sa mga lalaki ug babaye nga nag-edad gikan sa siyete hangtod sa 18-anyos, ang training session gikatakda karong Oktubre 31 ug Nobiyembre 3 diha sa DBTC.
Ang nahibilin nga bahin sa maong komprehensibong training camp ipahigayon didto sa University of San Jose-Recoletos Basak Campus karong Nobiyembre 8, 15, 22 ug 29 ug sa Disiyembre 6, 13 ug 20.
Kadtong interesado nga mosalmot giawhag nga magparehistro og sayo gumikan kay limitado lamang kini ngadto sa 125 slots pinaagi sa first-come, first served basis.
Ang registration nagkantidad og P2,500, apil na niini ang Alaska t-shirt, training jersey ug bola sa basketbol nga pinirmahan sa tanan nga mga magduduwa sa Alaska Aces sa PBA.
Alang sa dugang mga detalye, mahimong motawag ni Riza Gabonia sa 0922-3399289 o 0937-8122135. (BANAT NEWS)