Castro kandidato pagka-MVP sa FIBA
CEBU, Philippines - Ang point guard sa Gilas Pilipinas nga si Jayson Castro usa sa mga lig-ong kandidato alang sa Most Valuable Player sa 2015 FIBA Asia Championship.
Si Castro nga naapil sa Mythical Five sa miaging FIBA Asia nag-average og 17.4 points, 3.0 rebounds ug 2.1 assists nga mihimo kaniya nga contender alang sa labing taas nga individual award sa torneyo.
Ang giilang ‘Best point guard in Asia’ mipabuto og 29 puntos sa ilang 72-60 nga kadaugan batok sa Lebanon niadtong Huwebes nga mipaabante kanila sa semifinals.
Dili lang gikan sa iyang mga kababayan, si Castro midawat og mga pagdayeg gikan sa mga international basketball fans ug may miingon nga angayan siyang tutokan sa mga NBA scout tungod sa dakung potensiyal niya nga moduwa sa NBA.
Gawas sa iyang opensa, si Castro una na usab nga gihulagway ni coach Tab Baldwin nga maoy lider sa national team tungod sa iyang kasinatian ug play making
Sa pagka karon, ang Chinese star nga si Yi Jianlian mao pa lang ang ginganlan nga karibal ni Castro alang sa MVP award.
Ang ex-NBA forward nag-average og 18.0 points ug 8.0 rebounds ug mao sab ang haligi sa China nga wa’y pilde sa nagpadayong FIBA Asia.
- Latest
