A.S.K. misidlak sa Regional Karatedo championships

CEBU, Philippines – Ang mga pambato sa Team Advocacy for the Strengthening of Karatedo (A.S.K.) nga anaa magbasi sa dakbayan sa Talisay mihakot og 18 ka gold, upat ka silver ug lima ka bronze medals sa Regional Invitational Karatedo Championships sa miaging adlaw didto sa J Center Mall sa dakbayan sa Mandaue.

Si Marjorie Villareal maoy nangu sa Team A.S.K. nga mikabkab og tulo ka bulawan. Sila si Nino Kime Avila, Arviel Vender ug Precious Belicario nakakuha og tagurha ka bulawan sa tagsa-tagsa nila ka mga kategoriya, samtang sila si RF Metante ug Denzil Amora miamot og tagsa ka gold ug usa ka silver

Sila si Jon Ann Inigo, Archien Vender, Gwen Ponteros ug Cindy Sanchez midonar og tag-usa ka gold ug bronze, samtang sila si Joshua Famador, Daniel Fernandez ug Dj Mae Dente mitunol og tagsa ka gold.

Ang naka-silver sa Team A.S.K. ni coach Larry Avila mao sila si  Renier Cruz ug Denice Metante, samtang sila si Warlito Ponteros ug June Raganas nidaog og bronseng medalya. (BANAT NEWS)