CEBU, Philippines – Nagmangtas silang Jun Babatid ug Yokyok Alesna alang sa Punta Princesa nga mihimo’g upset nga kadaugan batok sa Aulga Hardware, 75-71 sa Guadalupe Athletic Association (GAA) Above 50 basketball tournament niadtong Domingo didto sa Guadalupe Sports Complex.
Sa laing duwa, ang Lucky 40 nakaipsot sa Tisa Q Topp, 59-55, samtang ang Tejero-Haojie miratsada batok sa Bozz Engineering (MCWD) sa iskor nga 69-59.
Si Babatid miposa’g 29 puntos, samtang si Yokyok Alesna midugang og 23 puntos alang sa Punta Princesa Si Dodong Monternel miiskor og 19 puntos aron pangulohan ang Aulga
Hardware nga nakig-uban karon sa Perez Trucking ug Team Rama sa ikaduhang puwesto sa ilang 4 -1 win-loss records.
Ang Punta Princesa ug Tejero-Haojie sa laing bahin nagtabla sab sa ilang 3-2 records, samtang ang Tisa Q Topp ug Bozz Engineering parehong adunay 0-5 nga baraha.
Puntos matag usa
Unang duwa:
Punta Princesa (75) – Babatid 29, Alesna 23, Abarquez 10, Tudtud 6, R. Alesna 4, Villaver 3.
Aulga Hardware (71) – Monternel 19, Lawas 17, Miñoza 17, Gabato 8, Sollano 6, Posadas 4.
Ikaduhang duwa:
Lucky 40 (59) – Miego 11, Pandong 10, Rivera 9, Iway 8, Monsanto 7, Lopez 5, Escuyos 4, Labra 2, Iocian 2, Postrero 1.
Tisa Q Topp (55) – Seno 24, Lazaga 7, Polancos 5, Taneza 4, Petallar 4, Lausa 4, Betansal 4, Caburnay 3.
Ikatulong duwa:
Tejero-Haojie (69) – Pistolante 15, Dela Cerna 13, Francisco 10, Baya 9, Arciaga 6, Salcedo 6, Amen 4, Paca 3, Auditor 3.
Bozz Engineering (59) – Libor 20, Cempron 10, Bordador 10, Arroz 6, Tabar 5, Jumao-as 2. (BANAT NEWS)