Jaguars ug Baby Jaguars mopahigayon og tryouts

CEBU, Philippines – Milusad og managlahing tryouts ang University of San Jose Recoletos basketball teams alang sa collegiate ug high school varsity sugod ugmang adlawa aron moduwa sa Cebu Schools Athletic Foundation, Inc. (CESAF) o sa lain pang mga torneyo dinhe sa Sugbo o sa ubang dapit sa atong nasud.

Ang Athletic Director sa USJR  nga si Jonathan Saso mibutyag sa Banat Sports nga ang mga try-outs gisugdan niadtong Marso 27, Biyernes ug Marso 28, Sabado ug ipadayon kini karong adlawa, Marso 30 ug ugma Marso 31.

Taposon ang tryouts unya sa Abril 1, Miyerkules.

Ang gustong mosalmot alang sa high school team kinahanglan wala pa'y 17 anyos karong Hunyo 1.

Ang collegiate try-out sugdan sa 9:30 hangtod sa alas 12 sa udto ug kinahanglan ang interesado dili pa mag-edad og 24 anyos karong Hunyo 1 ning tuiga. Ang Hunyo 1 maoy cut-off date alang sa mga kwalipikadong players sa CESAFI.

Matod pa ni Saso nga kung kinsa kadtong mga  interesado, magdala sa ilang Form 137 ug 138 ingon man certificate of good moral character.

Si Jaguars coach Jun Noel maoy mopahigayon sa tryout alang sa college samtang si coach Marlon Piodo maoy mangu sa tryout sa high school. (BANAT NEWS)