CEBU, Philippines - Pipila ka tang-an nga Sugbuanong jins ang mopakita sa ilang katakus uban ang paglaum ngamakahatag og dungog ug garbo sa nasud sa 12th ASEAN Taekwondo Federation (ATF) Championships karong adlawa didto sa Ho Chi Minh City sa Vietnam.
Sila mao si McAvyngyr Alob, Audaine Laxa, Nica Garces, Mayn Coran, Luigi Estrada, Zozen Prajes, Dinesin Cañeda, Windel Rama, Royda Ranile, Cheyena dela Fuente ug Shamsham Albarracin.
Sila si Alob, Laxa ug De la Fuente mokumbati sa poomsae event (forms), samtang ang uban makigpinaksitay sa ilang mga kontra sa sparring competition.
Puwera nilang Alob, Garces, Prajes ug Coran, ang tanan pulos mopakita’g aksiyon sa labing unang higayon sa usa ka international event, butang nga gikahinaman ni Philippine Taekwondo Association regional chairman Tony del Prado.
Human sa aksiyon didto sa Vietnam, sila si Alob, Laxa, De la Fuente, Garces, Coran, Estrada, Cañeda ug Albarracin adto na sab mobanat sa Asian Taekwondo Championships sunod bulan didto sa Taiwan uban nilang Clement Tan ug Nicole Maurin. (BANAT NEWS)