CEBU, Philippines – Ang Kenyan nga si Isaac Simat ug Ruffa Sorongon maoy naglawig sa gipahigayung Don Bosco Run kagahapon sa buntag didto sa Don Bosco Seminary sa Brgy. Lawaan, syudad sa Talisay.
Si Simat nag-una sa men’s 16K open sa oras nga 55:53, gisundan nila ni Bonifacio Monjas (56:06) ug Albert Omboga (59:10).
Sa women’s side, si Sorongon milabang sa finish line sud sa usa ka oras, 16 minutos ug sayes segundos. Iyang gipilde si Kiesha Mae Delechos nga mipuwesto sa ikaduhang dapit sa oras nga 1:22:29, samtang si Rameris Taperi maoy third placer sa oras nga 1 :22:34.
Sa laing bahin, ang managsuong Andrin nga sila si Lovely Fe ug Cherry nagsunod sa una ug ikaduhang dapit sa 6K class diin si Lovely Fe adunay oras nga 31:12, samtang ang nauwahi adunay 32:05.
Si Robert Daang naghari sa 6K men’s sa oras nga 23:52, gisundan nila ni Elmer Bartolo (25:21) ug Michael Largo (25:56). (BANAT NEWS)