San Fernando Enduro Challenge sa Feb. 22

CEBU, Philippines – Masuwayan ang lahutay sa mga mountainbike enthusiast sa pagsikad sa labing unang San Fernando Enduro Challenge 2015 sa Pebrero 22 nga manukad sa Plaza Rizal, San Fernando, Cebu.

Gawas sa open category, ang lumba gilangkuban usab og female category ug  beginners class.

Adunay tulo ka stages ang maong lumba nga mao ang Pedregosa, Kapangian, samtang ang final leg anha na ipahibalo atol sa adlaw sa lumba.

Mga ganting salapi ug sertipiko ang nagpaabot alang sa mga mananaog sa matag kategoriya.

Ang mokampiyon sa open category makadawat og P4,000, samtang ang second ug third placers modawat og P3,000 ug P2,000 matag usa.

Ang kampiyon sa beginners’ ug female class mobulsa’g P3,000, samtang ang second ug third  makadawat og P2,000 ug P1,000.

Ang registration nagkantidad og P400.

Mahimong magparehistro online pinaagi sa facebook account nga San Fernando Enduro Challenge 2015. Sa dugang pangutana mahimong motawag sa numero 09229263311. (BANAT NEWS)

Show comments