PDBC vs. Kimwa sa finals

CEBU, Philippines – Ang team PDBC wala'y kukaluoy nga milubong sa Woop, 82-52 aron  mahingpit ang ilang pagsud sa finals sa Power Dealer Basketball Club (PDBC) Christmas League 2014 niadtong Miyerkules sa gabii diha sa Kimwa gym sa barangay Subangdaku, dakbayan sa Mandaue.

Sa gilauman, ang bigman nga si Arnold De Asis mao  na sab ang topscorer sa PDBC pinaagi sa iyang 17 puntos.  Sila si Alquilita ug Jules Langres mitampo’g 14 ug 11 puntos matag usa alang sa PDBC nga mitapos sa elimination round uban ang 6-1 nga baraha.

Ang PDBC  milabaw lang og uno punto sa first period, 16-15 ug tungod sa ilang dakung ambisyon nga moduwa sa finals ila nga giinat  ang labaw ngadto  sa double digits sa wala pa nila maangkon ang makabungog nga kadaugan.

Tungod niini,  ang team PDBC maoy nakaangkon og katungod sa pakigsangka sa nagpaabot nga Kimwa squad alang sa “knockout” finals unya sa Miyerkules.

Si Kenneth Roy Monteroyo mao lang ang bugtong player sa Woop  nga miiskor og double figure  pinaagi sa iyang 23 puntos.

Puntos matag usa

Unang duwa:

PDBC (82) – De Asis 17, Alquilita 14, Langres 11, Comeros 9, Sayson 9, Alarde 8, Maboles 5, Arnibal 5, Canjo 2, Skye 2.

WOOP (52) – Monteroyo 25, Alberca 8, Ardiente 7, Sestoso 6, Fernandez 6, Ybañez 2. (BANAT NEWS)

Show comments