CEBU, Philippines - Bug-at nga bagahi ang pas-anon karon sa Blackwater Elite sa ilang pakigsangka batok sa NLEX Road Warriors sa 2014 PBA Philippine Cup.
Buot sa Blackwater nga malikayan ang usa sa labing ngil-ad nga sugod sa usa ka PBA team.
Ang Blackwater nga wala pay daog sa pito ka duwa, mosuway pagkulit og daog batok sa NLEX, ang bag-ong team sa PBA.
Sugdan ang duwa sa alas-4:15 sa hapon didto sa Ynares Sports Center.
Sa main game sa alas-7 sa gabii, ang Barangay Ginebra San Miguel laraw nga magbinugtong sa ikatulong dapit sa ilang pakigharong sa Meralco Bolts.
Ang Ginebra adunay 5-2 record ug ang kadaugan maghatag kanila og kahigayonan nga mosulod sa top two spot sa standing nga kasamtangang gikuptan sa Alaska Aces ug San Miguel Beermen nga pulos adunay 6-1 records. (BANAT PALARO)