1st sunday.com basketball club tourney sugdan na

CEBU, Philippines - Mopakita na sa ilang abilidad ang magduduwa gikan sa unom ka partisipanteng koponan sa pagsikad sa labing unang torneyo sa Sunday.Com Basketball Club karong adlawa diha sa Mandaue  City Cultural and Sports Complex.

Sa dili pa sugdan ang duwa, adunay ipahigayon nga programa sa alas-8 sa buntag diin gilauman nga motambong si Mandaue City Vice Mayor Glenn Bercede uban nilang Hon. Elston Dabon, Hon. Butchok Bering ug sa mga kadagkuan sa Sunday.Com Basketball Club.  

Ang mga koponan nga mopakita’g aksiyon mao ang Astroboy, Mustang, Alit’z, Minions, Bulldog ug ang Dota.

Matud pa ni S.CBC  presidente Camelo ‘Tata’ Nadera, nga ang mga teams moduwa og single round robin format diin ang top  two teams maoy mag-abot sa kampiyonato.

Ang VECO pinaagi sa ilang community relations manager Eric Ching ug ang IPI maoy major sponsors sa maong torneyo. Gipaluyohan sab kini ni  Vice Mayor Glenn Bercede, Hon. Elston Dabon, Hon. Butchok Bering, A.D. Gothong Manufacturing Corp., Cres Sayson, Editha Cortes, Juliet Balbona, Warly Capacite ug Malou Claros.

Gawas ni Nadera, ang laing opisyales sa Sunday.com Basketball Club mao sila si Edward Pepito (vice president) ug Lorena Nadera (secretary).  Si Atty. Gonzalo ‘Sally’ Malig-on maoy club adviser.

Ang board of directors naglakip nilang Rene ‘Dodoy’ Grafe, Franklin Antigua, Rico Cabello, Cres Sayson, Ray Niez, Diosdado Apa Jr., Neil del Castillo, Noel Antigua, Jojo Carba, Junnie Ouano ug  Cyril Gulbin. (BANAT NEWS)