CEBU, Philippines - Mikulit dayon og managlahing kadaogan ang TMII ug ang Mazda sa pagbukas sa Sunrise All-Sports Association (SASA) Inter-Company basketball tournament sa miaging semana didto sa Lahug-Apas open court, ning dakbayan.
Gilubong sa TMII ang Excell Roof sa iskor, 74-54 samtang naka-eskapo ang Mazda batok sa Vic Enterprises sa iskor, 61-60.
Magbagat ugma ang Mazda batok sa SBA sa alas otso sa gabii ug mosunod dayon ang sangka tali sa Mandarin batok sa Automatic Center.
Ang torneyo sa SASA gipasiugdahan ni Robert Ortega, kanhi sakop sa champion team sa Cebu Institute of Technology Wildkittens sa dekada 90. (GGM)(BANAT NEWS)