CEBU, Philippines – Napakgang sa University of San Jose- Recoletos Jaguars ang ilang sister team University of Negros Occidental-Recoletos Rams gikan sa Bacolod City, 88-82 sa Philippine Collegiate Champions League (PCCL) elimination phase kagabii didto sa Cebu Coliseum.
Tungod sa maong kadaugan, ang Jaguars maoy makigsangka batok sa University of the Visayas Green Lancers alang sa laing elimination ugma.
Giusikan sa Jaguars ang ilang 14 puntos nga labaw, 42-28 sa uwahing bahin sa second period ug ang Rams kanunay mihulga pinaagi sa paggamit og maayong depensa.
Nanimaho ang upset dihang nakatabla ang Rams, 79-all sa basket ni Chris Dayumat sa nahabiling 3:05 sa duwa.
Wala hinuon molampos ang Rams sa ilang rally.
Si Kevin Villafranca maoy nangu sa Jaguars sa iyang 23 puntos, samtang silang Fletcher Galvez ug Quentin Nzuzi miamot og 18 ug 11 puntos. (BANAT NEWS)