‘Bakbakan sa Sugbu 2’ banatan ugma sa ccsi
CEBU, Philippines - Lain na sab nga kulbahinam nga aksiyon sa amateur mixed martial arts ang masaksihan sa mga Sugbuanon sa ikaduhang edisyon sa Cebu City Sports Commission’s (CCSC) combat grassroots program nga giulohan og “Bakbakan sa Sugbu” ugma diha sa newly-renovated Cebu City Sports Institute (CCSI) sa Sawang Calero, Cebu City.
Human sa malampusong opening edition niadtong miaging buwan, ang CCSC sa pakigtambayayong sa Yaw-Yan ArDigma Cebu Martial Arts Inc. miporma na sab og fight card diin magsangka sa main event mao sila si Raymund ‘Chief Monster’ Libradilla sa Tatus Muay Thai MMA sa Mandaue City batok ni Danilo ‘Crusader’ Teves sa Calma Stable sa Talisay City.
Sa supporting main event, si Dodong ‘Tiger’ Jagape sa Bohol Top Team makigharong sa taga-Lapu-Lapu City nga si John Edu ‘Excalibur’ Torbiso sa Durex Dragon MMA.
Gawas sa six-bout MMA card, adunay mubong demonstration sa mga MMA techniques, karate students ug mga arnisadors.
Isunod sab ang boxing clinic sa MMA fight card nga pangulohan nila ni kanhi two-time world champion Dodie Boy Peñalosa ug former Olympian Efren Tabañas.
Si CCSC chairman Edward Hayco miingon nga laraw sa maong grassroots program mao nga aron makakita og mga aspiring athletes nga adunay potential nga morepresentar sa Sugbo sa mga regional tournaments. (BANAT PALARO)
- Latest
