CEBU, Philippines – Gisaw-an sa Perez Trucking ug sa HLY ang liderato sa Golden Dribblers Basketball League 50 Above category human ilang gipukan ang tagsa-tagsa nila ka kaatbang kagahapon didto sa Inayagan Sports Complex.
Nakaeskapo ang Perez Trucking batok sa Punta Princesa sa iskor, 73-71 samtang gibuntog sa HLY ang Aulga Dormitory-GAA sa iskor, 66-55.
Gisubhan sab og daog ang Power Forty kagahapon pinaagi sa pagkulit og 58-53 nga kadaugan batok sa McMill samtang gilubong sa Team Rama ang Inayagan-Naga, 77-57 alang sa ilang unang daug sulod sa duha ka duwa ug nagtabla sa ilang biktima.
Ang Punta Princesa, McMill ug Aulga dormitory pulos adunay 0-2 nga baraha. (BANAT NEWS)