CEBU, Philippines - Mosikad na ang football event sa 2014 Cebu Schools Athletic Foundation Inc. diha sa Cebu City Sports Center.
Unang magsangka mao ang Sacred Heart School-Ateneo de Cebu batok sa University of Southern Philippines Foundation sa second division, samtang ang University of San Carlos moharong sa University of San Jose-Recoletos.
Ang defending champion USJ-R makigsangka sa USPF ug ang University of the Visayas batok University of Cebu ug ang Don Bosco College makigbatok sa USC.
Adunay unom ka teams ang mopakita’g aksiyon sa second division, samtang 10 sa tertiary level.
Ang torneyo mosubay og single round robin format diin ang top four teams moabante sa semifinal. (BANAT NEWS)