CEBU, Philippines - Pambato sa University of the Visayas (UV) nga si Marc Pradel ug ang one-handed player nga si John Paul Belikaol maoy dakung mananaog sa ikaduhang adlaw sa 19th JRG Gullas Tennis Cup kagahapon didto sa Citi Green Tennis Resort sa barangay Punta Princesa, ning siyudad.
Human midaog batok ni Dave Villarba, 6-3, 6-4, ang 14-anyos nga si Pradel mikawat og atensiyon dihang iyang gipilde ang topseeded nga si JR Arguelles sa Bacolod, 2-6, 6-3, 10-5, sa round 32 sa boys’ 16 category.
Si Pradel miabante sa sunod round uban nilang Iggy Pantino, Jayme Caneo ug Charles Cabarrubias.
Sa iyang bahin, si Belikaol bisa’g usa lang ang iyang kamot, gipakita gihapon niya ang iyang dakung tinguha nga modaog batok ni Matthew Gulle, 6-1, 6-0 sa boys’ 14 division.
Midaog sab sila si Joshua ug Janus Ringia batok nila ni Paul Coderos (6-0,6-0) ug Geiel Villaflor (6-2, 6-1) sa laing duwa sa boys’ 14.
Laing players nga miabante sa round 14 sa boys’ 14 class mao silang Venz Alforque, Lorenz Celis, Heart Sotto, Gabriel Tarazo ug Francis Hidalgo.
Didto sa Alta Vista Golf and Country Club sa Pardo, ang managsuong Cesar ug Kristine Renee Salimbangon midaog usab batok sa tagsa-tagsa nila ka sangka. Si Cesar midemolis ni Josh Coderos, 4-0, 4-0 sa unisex 10 under, samtang si Kristine Renee Salimbangon mipilde ni Regina Igoy, 6-0, 6-1 sa girls’ 14.
Laing miabante sa round of 8 sa unisex 10 under mao sila si Eric Longakit, Tiffany Nocos, Bert Cortes, Ashton Villanueva, Harland Hogan ug Ethan Quino. Midaog usab sa girls’14 mao sila si Bless Bayking ug Ellaine Rose Bahonsua.