CEBU, Philippines - Si Dharyl Alcordo uban ang laing upat ka tennis players miabante sa round of 32 sa boys’ 16 class sa pagsugod sa 19th JRG Gullas Tennis Cup didto sa CitiGreen Tennis Resort sa Brgy. Mambaling, Cebu City.
Midaog si Alcordo batok ni Rey Dante Toledo, 7-6, 6-1. Laing midaog mao si Charlie Cabarubias, kinsa mipukan ni Lorenz Celis, 6-5, 6-1, samtang si Mark Pradel midaog sab batok ni Dave Villarba, 6-2, 6-0 ug Francis Ricana batok ni Kurt Cañete, 6-0, 6-0.
Si Dale Estonilo midaog pinaagi sa “default” batok ni Greek Apduhan.
Didto sa Alta Vista Golf and Country Club, sila si Joshua Torres ug Vincent Ibarbia mipasilong sab sa round of 16 sa boys’12 action human modaog batok nilang Kyle Remedio (6-0,6-1) ug Louis Segarra (5-7, 6-5, 10-6).
Managlahing dalan ang gisubay sa managsuong Phel and Pherl Corderos sa girl’s class. Si Pherl midaog batok ni Gorgia Cobcoban, 6-3,6-2, samtang si Phel napilde ngadto ni Catherine Medrano, 6-1, 6-2. Lain pang nagmadaugon sa unang adlaw sa labing karaan ug prestihiyosong tennis tournament sa Sugbu mao sila si Tiffany Nocos batok Ysabella Gian, Thalia Suson batok Noelia Ramos ug Shedel Gica batok sa Hapon nga si Yuki Kabayashi.
Si Lyra Repollo nakaipsot batok ni Christine Lemorin, samtang si Febbie Abayan midaog batok ni Angela Laborte. (BANAT PALARO)