CEBU, Philippines - Maghugop na sab angmga motocross riders alang sa 5th leg sa Man and Machine Supercross series 2014 karong Sabado ug Domingo diha sa Adlawan Motocross track sa Lipata, Minglanilla.
Tutokan sa fifth leg mao ang aksiyon sa magkaribal nga sila si Cebuano teen sensation Jon Eleazar Adlawan, kinsa maoy naghari sa fourth leg didto sa Badian ug Mindanao top rider nga si Rhowell Mangosong sa pro open ug pro lite category.
Lain pang top contenders sa premier division mao ang laing Sugbuanon nga si Jubenile Abellar, Jacob Orbe ug Ambo Yapparcon.
Gawas sa pro open ug pro lite, laing kategoriya nga banatan naglakip sa intermediate, novice, beginners, veterans A, veterans B, veterans C, local enduro, open enduro, team competition ug women’s division.
Ang maong lumba gipasiugdahan sa Man and Machine Racing Promotion uban sa suporta sa Kopiko Astig 3-in-One, Kawasaki, Rusi, Nature’s Spring, Jela Construction, Allure Hotel, Megavia Motors ug Tridharma. (BANAT NEWS)