CEBU, Philippines - Duha ka boksidor lang ang gusto ni Hall-of-Famer trainer Freddie Roach nga makasangka sa iyang ‘prized fighter’ nga si Manny Pacquiao nga mao sila si Floyd Mayweather ug Juan Manuel Marquez ug wala nay lain pa.
Human sa kalampusan ni Pacquiao sa pagbawi sa iyang WBO welterweight title gikan ni Timothy Bradley niadtong Abril 13 sa Las Vegas, si Roach nagkanayon nga sila si Marquez ug Mayweather nalang ang duha ka boksidor nga angayan atubangon sa kanhi eight-division world champion.
Si Roach miingon nga gusto niya nga makabawus si Pacquiao ngadto ni Marquez kinsa mipatumba sa Pinoy boxing star niadtong tuig 2012. Ang American trainer masaligon nga makabawus si Pacquiao og hingpit nang matak-opan ang panagribal sa duha.
Sa isyu kabahin ni Mayweather, si Roach nagtuo nga kinahanglan gyud nga mahitabo ang ‘super-fight’ niini batok ni Pacquiao nga maoy gusto sa mga fight fans.
“If Marquez likes it I want that fight for Manny,†matud pa ni Roach sa The Philippine STAR. “And if Mayweather is interested, we’d fight him, too.â€
Hinuon adunay duha ka babag ang gusto ni Roach tungod kay mag-atubang pa og laing sangka si Marquez batok sa kanhi American champion nga si Mike Alvarado sa sunod buwan, samtang si Mayweather kaduha-duhaan gihapon nga mokagat sa tanyag aron sangkaon si Pacquiao. (BANAT NEWS)