CEBU, Philippines - Mikulit sa ilang ikaduhang daog ang Enforcement Security Service (ESS) human ilang nabiktima ang Global Brokers sa iskor,95-83 sa nagpadayon nga 2nd BOC-CIPU basketball tournament didto sa barangay Tejero gym, ning dakbayan.
Sa ilang 2-0 nga baraha, ang ESS mao karo'y nagsolo sa liderato. Ilang gipukan ang Alin Brokers sa opening day niadtong Marso 12.
Mibahog og 18 puntos ang point guard sa ESS nga si Kenneth Maningo nga maoy iyang ikaduhang duwa nga mihipos siya'g double figures.
Ang Global kinsa napilde sa Petracorta-Rollway sa opening day, 79-100, mitidlum karon sa kinaubsan sa team standing sa ilang 0-2 nga baraha.
Sa laing duwa, gilubong sa Avenido Brokers ang JDV, 103-83.
Silang Yulo Arevalo ug Jim Villa maoy nangu sa Avenido Brokers sa ilang 23 ug 18 puntos matag usa.
Ang Avenido Brokers nagtabla karon sa ikaduhang pwesto uban sa defending champion MJDL Brokers, Ynah Brokers ug Petracorta Rollway.
Puntos matag usa:
First Game:
ESS (95)— Maningo 18, Reyes 18, Yu 10, Aninon 8, Mabalo 8, Canete 8, Gacilos 8, Monteno 4, Oyao 4, Gabica 3, Mose 2
Global (83)—Jadraque 23, Plando 15, Manulat 12, Dinolang 9, Velasquez 9, Cedeno 4, Cstro 2, Caynila 2, Engrasyal 2, Tiro 2
Second Game:
Avenido (103)— Arevalo 23, Villa 18, Dungog 13, Quilantang 10, Mompar 6, E. Avenino 6, Avenido 6, Jordan 6, Almodal 5, Elorde 5, Nudalo 4, Tan 4, Avenido 2.
JVD Brokers (83)—Villarin 23, Rabago 12, Sanguenza 9, Borromeo 8, Panque 8, Ibo 5, Viador 4, Dejaresco 3, Gerundio 3, Cabanada 2, Cabrera 2, Nadal 2, Ponte 2. (BANAT SPORTS)