Unom ka Sugbuanon triathletes mosalmot sa Ironman Asia-Pacific
CEBU, Philippines - Unom ka Cebuano triathletes ubos sa Team Reborn ang mangahas paghatag og dungog sa nasud sa ilang pagsalmot sa Ironman Asia-Pacific Championships sa Marso 23 didto sa Melbourne, Australia.
Pangulohan kini ni Extra World Championships finisher Jose Merdino Lim, uban nilang Meyrick Jacalan, Dr. Albert Solis, Janejane Ong, Gianluca Guidecelli ug Andrew Ong.
Ang mga Sugbuanon kabahin sa labing daku nga delegasyon sa Pilipinas nga adunay 73 nga gibahin-bahin sa nagkalain-laing age-categories.
Ang full Ironman maglatid sa 3.8km swim, 180km bike ug 42.2km run.
Si Lim giisip nga labing eksperensiyado sa Team Reborn diin nisalmot siya sa Xterra World Championships didto sa Hawaii sa miaging tuig.
Gitakda sab siya nga mosalmot sa Xterra Philippines karong Marso 15 didto sa lungsod sa Lilo-an, Cebu.
- Latest
