CEBU, Philippines - Adunay 153 ka koponan ang nipadayag sa ilang partisipasyon sa 4th Sinulog Football Festival karong weekend diha sa San Roque field ug sa Aboitiz SportsField nga pulos nahisakop sa Brgy. Subangdaku sa dakbayan sa Mandaue.
Niadtong interesado nga mosalmot sa tinuig nga torneyo mahimo pang magparehistro hangtod ugma diha sa Cebu Football Association (CFA) office.
Ang mga kategoriya nga tigian naglakip sa mixed under-7, 9 ug 11, boys 13, 15, 18, inter-BPO, men's open ug 38-above.
Ang iskedyul sa mga duwa unya pa sa Miyerkules mahibaw-an.