CEBU, Philippines - Ipahigayon karon sayo sa buntag ang usa ka fun run alang sa mga polis nga nabiktima sa bagyong "Yolanda" didto sa amihanang Sugbu.
Ang 5K run nga mosikad sa alas-5 sa buntag, manukad ug matapos sa PRO-7 quadrangle sa Camp Sergio Osmeña.
Gipasiugdahan sa Police Regional Office 7, ang tumong sa maong fun run nga giuloha'g "Tara Na! Dagan Na! Alang sa Biktima ni Yolanda mao ang pagtabang sa mga polis nga naapektohan sa bagyong Yolanda.
Si Supt. Renato Dugan, ang Public Information Officer sa PRO-7 naglaum nga moabot sa 4 mil ka runners ang modagan sa maong charity run.
Ang top three finishers sa men's ug women's division makadawat og token ug certificates.
Tapuson ang kalihukan pinaagi sa mubo nga programa. (BANAT NEWS)